Saturday 2 July 2011

Raat Ne Dehar Ko Tareek Banaya Hua Hai

Raat Ne Dehar Ko Tareek Banaya Howa Hai
Ek Sanaata Sa Mahol Pe Chaaya Howa Hai,

Itna Khamosh To mar kar Bhi Nhi Hota Koi
Tune Yeh Eshq Mein Kiya Haal Banaya Howa Hai,

Kiya Bhala Tere Kisi Kaam Bhi Aa Payega
Yeh mera Dil Jo Zamane Ka Sataya Howa Hai,

Itna Asaan Bhi Khaan Tha Yahaan Zinda Rehna
Khawahish-e-Wasl Ko Seene Se Lagaya Howa Hai,

Yeh mera Zarf Hai Duniya, K Abhi Tak Maine
Apna Har Zakhm Muhabat Se Chupaaya Howa Hai.

No comments:

Post a Comment