Ajnabi shehr lagay surat-e-zandaan mujh ko..
Lay chal ay moj-e-hawa suu-e-bayabaan mujh ko..!
Raat aaey to teray dard ki rutt bhi aaey..
Chaand niklay to karay dil bhi pareshaan mujh ko..!
Loat aaya houn naseeb-e-gham-e-yaraan ban kar..
Raas aaii na hawa-e-gham-e-doraan mujh ko..!
Tu.! K darya pay barasta hay na sehraaon main..
Apni manzil to bta abr-e-gurayzaan mujh ko..!
Youn bhi ruswaa thi bohat khalwat-e-dil..
Teri chahat ne kia or numayaan mujh ko..!
No comments:
Post a Comment